hava haqqindaBakı
Bu gün +28 ° C
  • USD - 1.7000
  • RUBL - 0.0233
  • EURO - 2.0195
  • NEFT - 45.24
  • clouds-weather

"Fitch" Böyük Britaniyanın reytinq üzrə proqnozunu "mənfi" saxlayıb

"Fitch" Böyük Britaniyanın reytinq üzrə proqnozunu "mənfi" saxlayıb

"Fitch Ratings" beynəlxalq agentliyi Böyük Britaniyanın yerli və xarici valyutada emitentin uzunmüddətli və qısamüddətli defolt reytinqini "AA-" səviyyəsində təsdiq edib, reytinq üzrə proqnozu isə "mənfi" saxlayıb.

"APA-Economics"in agentliyə istinadən verdiyi məlumata görə, ölkə reytinqinin tavanı "AAA" səviyyəsində, təmin olunmamış prioritet borc reytinqi isə "AA-" səviyyəsində saxlanılıb.

"Böyük Britaniyanın reytinqləri yüksək gəlir, bir tərəfdən, şaxələndirilmiş və inkişaf etmiş iqtisadiyyat, digər tərəfdən isə yüksək və artan dövlət sektorunun borclanması ilə balanslaşdırılır", - agentlik qeyd edir.

"Fitch" in məlumatına görə, ölkənin dövlət borcu bu il ÜDM-in 111%-ni, 2021-ci ildə isə 118%-ni təşkil edəcək. Bundan əlavə, büdcə kəsirinin ÜDM-ə nisbəti bu il 17,7%-dək artacağı, 2021-ci ildə isə 12%-dək enəcəyi proqnozlaşdırılır.

Qeyd edək ki, agentlik Böyük Britaniya iqtisadiyyatının bu il 11,5% azalacağını, 2021-ci ildə isə 4-6% artacağını gözləyir.

Cebhe.info


Oxunma sayı: 1640

Bizim Telegram səhifəmizi izləyin