Reklam yerləşdirmək üçün
012 596 19 32
Reklam yerləşdirmək üçün
012 596 19 32

Pedro Enrike: "Daha az fərqlə məğlub ola bilərdik" - MÜSAHİBƏ



Çempionlar Liqasının qrup mərhələsinin I turunda səfərdə "Çelsi"yə məğlub olan (6:0) son ölkə çempionu "Qarabağ" bu gün Bakıya gəlib.
 
Ağdam klubunun yeni transferi Pedro Enrike Konzen Heydər Əliyev adına Hava Limanında Newsport.az saytının əməkdaşının suallarını cavablandırıb: 
 
- Böyük hesabla məğlub olduğunuz oyun barədə nə deyə bilərsən?
- Məğlubiyyətdən sonra danışmaq hər zaman çətin olur. Onu da başa düşürük ki, bəzi səhvləri etməli deyildik. Daha az fərqlə məğlub ola bilərdik. Amma nə edə bilərik? İrəli baxmalıyıq və belə oyunlardan nəticə çıxarmalıyıq. 
 
- Yeni transfer olmağına baxmayaraq, start heyətdə meydana çıxdın. Artıq komandaya adaptasiya olunduğunu düşünmək olar?
- Klub dəyişmək hər zaman çətin olur. Yeni komanda yoldaşlarına alışmaq bir qədər zaman alır. Amma mən bunu mümkün qədər tez etməyə çalışıram. Əsas heyətdə meydana çıxmağımda əsas rolu komanda yoldaşlarım oynadı. Eyni  zamanda, baş məşqçimiz mənimlə söhbət etdi və mənə xüsusi motivasiya verdi. Mən də bunu meydanda göstərməyə çalışdım. Düşünürəm ki, ilk hissədə çox qaçdım, ikinci hissədə isə oyunun ritmi öz sözünü dedi, bir qədər yoruldum. Qarşıdakı oyunlarda komandama daha çox xeyir verməyə çalışacam. 
 
- Ümumiyyətlə, Azərbaycan çempionatı haqda bilgin var?
- Gəlməzdən öncə məlumat almağa çalışdım. Azərbaycanda oynayan futbolçularla əlaqə saxladım, müəyyən qədər məlumat aldım. Azərbaycan çempionatı haqda məlumatım var. Bütün oyunlara həvəslə çıxmağa çalışacam. 
 
- Azərbaycana gəlməzdən öncə hansı futbolçulardan məlumat almısan?
- Mən "Qarabağ"a qarşı oynamış futbolçularla da danışmışam, Reynaldo və Riçardla məsləhətləşmişəm. Bundan başqa, Avropa Liqasında "Qarabağ"a qarşı oynamış bir neçə fransalı futbolçudan məsləhət almışam.

Cəbhə.info








© 2015 Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir.

Yuxarı
Cebhe.info
Besucherzahler
счетчик посещений