Reklam yerləşdirmək üçün
012 596 19 32
Reklam yerləşdirmək üçün
012 596 19 32
Loading...

40 bacı-qardaşı olduğunu öyrəndi, hamısını bir-bir tapdı - GÖRÜNMƏMİŞ OLAY



Süni mayalanma yolu ilə dünyaya gələn amerikalı Kianni Arroyo eyni atadan doğulan 40 bacı-qardaşını internet vasitəsilə axtararaq tapıb.

Unikal.org xəbər verir ki, Orlandoda yaşayan Kianni Arroyo ilk olaraq 5 il əvvəl, ikinci kursda oxuyarkən axtarışlara başlayıb və müxtəlif ölkələrdə yaşayan, eyni atadan, lakin fərqli analardan doğulan 40 bacı-qardaşını tapmağa müvəffəq olub..

Kianninin bacı-qardaşları Amerikadan başqa, Kanada, Avstraliya və Yeni Zelandiyada yaşayır. 21 yaşında olan Kianni bacı qardaşları arasında ən böyüyüdür. Ən kiçiyi isə hələ 5 aylıqdır. Hazırda ofisiant kimi çalışan Kianni bunları deyib: "Məni anam böyüdüb. Süni mayalanma yolu ilə dünyaya gəldiyim barədə həqiqəti həmişə danışıb. Hər zaman haqqımda daha çox məlumat almaq və bacı-qardaşlarımın olub-olmadığını öyrənmək istəyirdim. Nəhayət, istəyimi reallaşdırdım. Rəsmi qeydləri əldə etmək üçün xeyli səy göstərdim".

O, ilk olaraq 20 yaşlı Joanna ilə tanış olub. İki bacı qısa zamanda yaxşı dost olublar. Bir-birlərini hər ay görürlər.

40 bacı-qardaşın 30-u Kianni ilə tanış olmaq təklifini həvəslə qəbul etsə də, 10-u heç bir cavab verməyib: "Bacı-qardaşlarımla ilə çox yaxşı yola gedirik. Tanış olduğumuz zaman tez bir zamanda bir-birimizə isinişdik. Əvvəllər heç qarşılaşmasaq da, eyni atanın övladları olmaq aramızda xüsusi bir əlaqə yaradır və özümüzü rahat hiss etməyimizi təmin edir".

Anonim qalmaq istəyən atası ilə də tanış olan Kiaani, ilk dəfə 18 yaşında ikən tanış olduqlarını, bu görüşə anası Ruthun da qatıldığını, üç dəfə bir yerdə olduqlarını və atasını "həqiqətən havalı bir adam” kiimi təsvir edir.

Bildirilir ki, Kianni Arroyonun atası könüllü sperma donorudur.

Cebhe.info








© 2015 Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir.

Yuxarı
Cebhe.info
Besucherzahler
счетчик посещений