Reklam yerləşdirmək üçün
012 596 19 32
Reklam yerləşdirmək üçün
012 596 19 32

Azad Rəhimov: "Premyer Liqada klubların sayı artırılmalıdır" 



Azərbaycanın futbol klublarına dövlətin birdəfəlik yardım ayırması təklifi maliyyə məsələləri üzündən gerçəkləşməyib.

Bu barədə "Report"a gənclər və idman naziri Azad Rəhimov məlumat verib. Onun sözlərinə görə, AFFA-nın irəli sürdüyü təklif xüsusi proqram əsasında həyata keçirilməli idi. Hətta bununla bağlı Maliyyə Nazirliyi ilə də danışıqlar aparılıb: "Lakin maliyyə məsələlərinə görə təklifin nəticəsini görmədik, axıra çatdıra bilmədik. Bu, bəlkə də, müvəqqətidir. Ola bilsin ki, gələcəkdə bu layihə dövlət büdcəsində öz yerini tutacaq".

Nazirin fikrincə, Azərbaycan klubları təkcə Bakını yox, regionları da təmsil etməlidir. O, Premyer Liqadakı klubların sayının artırılmasının vacibliyini də vurğulayıb. Lakin A.Rəhimov problemin həllinin sponsorlardan asılı olduğunu açıqlayıb: "Bu iş tam şəkildə sponsorların əlindədir. Sponsorlar tapılmalı, cəlb olunmalıdırlar. Klubların sayı heç olmasa, 14-ə çatdırılmalıdır ki, sonra onların futbolçularından yığma komanda formalaşa bilsin".

Hökumət rəsmisi Futbolun İnkişafına dair yeni Dövlət Proqramının qəbulunun zəruriliyini bildirib. A.Rəhimov nazirliyin bu istiqamətdə gördüyü işlərdən danışıb: "Biz daim uşaq və gənclər futbolunun inkişafı ilə məşğul olur, zona yarışları keçiririk. İspaniyanın "Real Madrid” klubu ilə birgə məktəb təşkil etmişdik. Həmin klub işin davam etdirilməsi ilə bağlı yeni təklif irəli sürüb. Düşünürəm ki, bu layihəni davam etdirəcəyik. Madriddən məşqçilər gələrək, uşaqlarla məşğul olacaqlar. İngiltərənin "Mançester Yunayted" klubu da Azərbaycanda məktəb açıb, akademiya fəaliyyət göstərir. Yəni, addımlar atılır, işlər gedir".

Qeyd edək ki, hazırda Azərbaycan Premyer Liqasında 8, I Divizionda 10 klub mübarizə aparır.

Cebhe.info








© 2015 Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir.

Yuxarı
Cebhe.info
Besucherzahler
счетчик посещений