Keçmiş prezident saxlanıldı: 50 milyonun hesabı soruşulur

Fransada keçmiş prezident Nikola Sarkozi saxlanılıb.

Cebhe.info xəbər verir ki, “Le Monde” qəzeti onun Paris əıtrafındakı Nantere polis məntəqəsində dindirildiyini yazır.

Sarkozinin saxlanması 2007-ci ildəı prezident seçkisi ərəfəsində qanunsuz maliyyələşmə ilə bağlıdır.

2012-ci ildə yerli mətbuat Sarkozinin seçki kampaniyası üçün xərclənən 50 milyon avronun Liviya hakimiyyəti tərəfindən verildiyini yazmışdı. O zamandan etibarən araşdırma davam edir.

“Le Monde” qeyd edir ki, eks-prezident bununla bağlı ilk dəfə dindirilir. Onun saxlanması 48 saat davam edə bilər. Bu müddətdə eks- prezidentə rəsmi ittiham irəli sürülməli, ya da sərbəst buraxılmalıdır.

Xəzər
Cebhe.info

oxunma: 2744 Tarix: 20-03-2018 12:42